Lles Addysg

Darperir y gwasanaeth uchod gan y Gwasanaeth ADY&Ch ar ran awdurdodau Gwynedd a Môn. Fe’i hystyrir gan yr awdurdodau, yn wasanaeth cynhaliol hanfodol, nid yn unig i ddisgyblion a theuluoedd ond hefyd i ysgolion y siroedd.

Prif dasg y Gwasanaeth Lles Addysg (GLlA) yw gweithio gyda rhieni a phlant er mwyn cefnogi presenoldeb rheolaidd disgyblion yn yr ysgol. Mae'r GLlA yn gweithio'n agos gydag ysgolion a gydag asiantaethau statudol a gwirfoddol eraill i hyrwyddo, annog a gorfodi presenoldeb ysgol rheolaidd plant o oedran ysgol gorfodol.

Beth mae’r gwasanaeth yn ei gynnig?

Derbynnir cyfeiriadau sy’n ymwneud â’r meysydd canlynol:

• presenoldeb plant yn yr ysgol
• plant sy’n colli addysg
• cyflogaeth plant a thrwyddedu (gan gynnwys trwyddedu plant i berfformio)
  
  

Cyfeiriadau presenoldeb

Yn ôl y gyfraith, rhaid i bob plentyn rhwng 5 a 16 oed dderbyn addysg. Unwaith y bydd plentyn wedi'i gofrestru mewn ysgol, dyletswydd gyfreithiol rhieni o dan Ddeddf Addysg 1996 yw sicrhau bod y plentyn yn mynychu'r ysgol yn rheolaidd ac yn brydlon.

 Os nad yw camau priodol gan yr ysgol yn datrys y broblem presenoldeb neu os oes diffyg cydweithrediad rhieni, yna dylai'r ysgol gyfeirio i'r GLlA.

Ffurflen Gyfeirio GLLA

Fodd bynnag, mae modd i blant a theuluoedd gysylltu hefo’r Gwasanaeth Lles Addysg am gyngor a chefnogaeth am anawsterau gyda phresenoldeb ysgol ar y manylion cyswllt isod.

Cyfeiriadau Plant sy’n Colli Addysg

Mae gan y Gwasanaeth Lles Addysg ddyletswydd statudol i geisio adnabod a lleoli plant oed ysgol statudol rhwng 5 a 16 oed sydd ar goll o addysg.

Mae plant ar goll o addysg pan:

nad ydynt ar gofrestr ysgol (gan gynnwys ysgolion annibynnol)

nad ydynt yn cael eu haddysgu mewn darpariaeth amgen (EOTAS)

na wyddom eu bod yn derbyn addysg addas gartref

nad ydynt yn hysbys i’r Awdurdod Lleol

Cyfeiriad gan aelod o staff ysgol

Rhestr Wirio Ysgol PCA

Cyfeiriad gan weithiwr proffesiynol

Ffurflen Gyfeirio PCA Asiantaeth Partner

Cyfeiriad gan Awdurdod Lleol

Ymholiad Symudiad Disgybl o'r Ardal

Os ydych chi'n aelod o’r cyhoedd ac yn pryderu nad yw plentyn yn derbyn addysg, cysylltwch â ni i drafod yr achos ymhellach.

Manylion cyswllt

• 01286 679 007

• cyfeiriadaullesaddysg@gwynedd.llyw.cymru

Pwy ydi’r tîm: