Cwnsela

Gwasanaeth Cwnsela Ysgolion Gwynedd

Mae y Gwasanaeth Cwnsela ar gael yn ysgolion uwchradd a chynradd i blant a phobl ifanc yng Ngwynedd yn ogystal â'r gymuned; mae darpariaeth rhithiol ar gael i rhai fyddai yn dymuno.

Medrwch  gyfeirio dysgwyr atom drwy y ffurflen gyfeirio, ar gael yn yr Adran 'Adnoddau' isod. Medr dysgwyr hunangyfeirio hefyd.

Am unrhyw ymholiadau plîs cysylltwch: drwy e-bost VidaLorraineKennedy@gwynedd.llyw.cymru neu ar 07345232109.

 

Pwy sydd yn derbyn y gwasanaeth yma?

Gwasanaeth sydd ar gael i ddisgyblion ysgolion uwchradd a chynradd Gwynedd yn ogystal â'r gymuned.

 

Beth mae’r gwasanaeth yn ei gynnig?

Gwasanaeth Cwnsela cyfrinachol a phroffesiynol sydd ar gael i blant a phobl ifanc yng Ngwynedd. Darperir y gwasanaeth gan gwnselwyr cymwys a phrofiadol ym mhob ysgol yn yr ardal ar gyfer plant a phobl ifanc sydd wedi bod dioddef yn emosiynol dros amser. Er enghraifft, fe all plant a phobl ifanc wneud defnydd o’r gwasanaeth os ydynt yn:

  • Teimlo yn isel
  • Yn dioddef o bryder
  • Efo hunan werth isel/diffyg hyder
  • Hunan-anafu
  • Yn dioddef yn emosiynol oherwydd rhieni yn ysgaru, profedigaeth, straen gwaith ysgol/arholiadau, problemau efo ffrindiau/cariadon, rhywioldeb, bwlio, problemau teuluol.
  • Angen cyfeiriad ymlaen i wasanaethau arbenigol iechyd meddwl

Mae Cwnsela yn cynnig cyfle i:

  • Drafod materion yn gyfrinachol efo rhywun annibynnol.
  • Lleihau pryder.
  • Gael cymorth i ddeall a delio efo problemau emosiynol.
  • Ddod i adnabod eich hun yn well a datblygu hunan-ymwybyddiaeth.

Mae materion a drafodir efo cwnselydd yn gyfrinachol; ni fydd y cwnselydd yn datgelu unrhyw wybodaeth heb ganiatâd y cleient (person ifanc). Fel arfer, os ydy person ifanc dros 14 oed a/neu yn gymwys y gydsynio i gwnsela, nid oes rhaid cael caniatâd rhiant i weld cwnselydd. Os bydd y cwnselydd o’r farn fod cleient mewn unrhyw fath o berygl yna bydd yn angenrheidiol datgelu gwybodaeth i sicrhau diogelwch.
 

Pwy ydi’r tîm?
Arweinydd Tîm Cwnsela Ysgolion

Vida Kennedy

Cwnselwyr

Mared Llwyd-Roberts

Nia Wyn Williams

Karen Wyn Jones

Mirain Glyn

Bedwyr Parri 

Annes Heys

Bethan Eames 

Ceinwen Parry

Cwnselydd / Therapydd Celf

Lowri Brengain Williams

 

Sut mae posib cael mynediad i’r gwasanaeth?

Pwy all wneud Cyfeiriad?

Gweithwyr proffesiynol sydd yn gweithio efo’r person ifanc, rhieni neu gall person ifanc hunan-gyfeirio.

Sut mae gwneud Cyfeiriad?

Bydd angen cwblhau ffurflen gyfeirio sydd ar gael yn yr ysgol neu gweler Adran 'Adnoddau' isod). Mae angen sicrhau fod plant a phobl ifanc sydd yn cael eu cyfeirio at y gwasanaeth yn:

  • Ymwybodol o beth ydy cwnsela ac yn cydsynio i’r cyfeiriad.
  • Blwyddyn ysgol 4-13 yng Ngwynedd.
  • Yn hapus i fynychu sesiynau rheolaidd yn wirfoddol am gyfnod byr, 6 sesiwn wythnosol fel arfer.


Camau nesaf

Unwaith bydd cyfeiriad wedi ei dderbyn gan y Gwasanaeth Cwnsela bydd yn mynd ar restr aros ar gyfer yr ardal. Bydd y cyfeiriadau yn cael eu prosesu yn ôl dyddiad a gall fod rhestr aros hir mewn rhai ardaloedd. Bydd unigolion yn cael cynnig dyddiad i gyfarfod a’r cwnselydd ardal fydd yn asesu ac yn cytuno ar ffordd ymlaen efo’r person ifanc. Gall hyn olygu hyd at 6+ sesiwn wythnosol o gyfarfod efo’r cwnselydd yn yr ysgol. Mae’r gwasanaeth ar gael ar ddyddiau penodol yn mhob ardal yn ystod y tymor ysgol yn unig, nid gwasanaeth brys ydy’r gwasanaeth cwnsela.


Cyfeiriadau na fydd yn addas

Fe all cyfeiriad fod yn anaddas os ydy plentyn/person ifanc:

  • Wedi cael cynnig cefnogaeth therapiwtig gan wasanaeth arall.
  • Fod risg dybryd o hunan-laddiad, hunan-anafu difrifol, ymddygiad seicotig – dylai cyfeiriad brys gael ei wneud i ysbyty.
  • Fod gwir risg o berygl iddynt eu hunain neu eraill. 
  • Yn rhan o broses cyfreithiol – byddai angen sicrhau dilyn protocol yr heddlu o ran therapi cyn achos llys.


Ystyriaethau Eraill

Os, ym marn y cwnselydd, fod y plentyn yn gymwys o dan reolau Gillick (Gillick competence) mae gan y plentyn/person ifanc hawl i weld cwnselydd heb ganiatâd rhieni/gofalwyr/athrawon. Argymhellir cyswllt rhwng gweithwyr os ydy Gwasanaeth Iechyd Meddwl Plant a Phobl Ifanc (CAMHS) neu meddyg teulu yn gwneud y cyfeiriad. Fe all y cwnselydd fod o’r farn nad ydy’r gwasanaeth yn addas ar gyfer rhai cyfeiriadau, bydd y sawl sydd yn cyfeirio yn cael gwybod. Ni fydd unrhyw adborth yn cael ei roi i gyfeirwyr, oni bai ei fod ar gais y person ifanc. Os bydd angen datgelu gwybodaeth mewn achos llys bydd angen caniatad wedi ei arwyddo gan y person ifanc.


Plant a phobl Ifanc na fyddai yn addas ar gyfer gwasanaeth Cwnsela

Rhai efo symptomau sydd yn awgrymu salwch meddwl megis seicosis, iselder dwys, anhwylderau bwyta amlwg, PTSD.

Rhai efo anhwylderau niwroddatblygol a/neu niwroseiciatryddol cymhleth a fyddai angen asesiad gan dim aml-ddisbyblaethol.

 

Pwy arall sy'n gallu helpu?

https://youngminds.org.uk Rydym yn arwain y frwydr am ddyfodol lle mae meddyliau pobl ifanc yn cael eu cefnogi a'u grymuso, beth bynnag yw'r heriau.

www.mind.org.uk Rydym yn darparu cyngor a chymorth i rymuso unrhyw un sy'n dioddef o broblem iechyd meddwl. Rydym yn ymgyrchu i wella gwasanaethau, codi ymwybyddiaeth a hyrwyddo dealltwriaeth.

www.cruse.org.uk Mae ein gwefan Hope Again (http://hopeagain.org.uk) yn wefan sydd wedi'i chynllunio ar gyfer pobl ifanc gan bobl ifanc. Mae'n cynnwys gwybodaeth a byrddau negeseuon lle gall pobl ifanc rannu eu profiadau.

https://www.camhs-resources.co.uk/downloads Gwasanaethau Iechyd Meddwl Plant a'r Glasoed (CAMHS)

https://www.youtube.com/watch?v=XiCrniLQGYc  Fideo BlackDog - 'I had a black dog, his name was depression'

 

Therapi Celf – Gwasanaeth Cwnsela Ysgolion Gwynedd

Mae Gwasanaeth Cwnsela Ysgolion Gwynedd yn cynnig sesiynau therapi celf i gefnogi anghenion emosiynol a seicolegol plant a phobl ifanc.

Therapi Celf - Taflen Wybodaeth i Rieni a Gweithwyr Proffesiynol - gweler Adran 'Adnoddau' isod

Dyma fideo am Therapi Celf wedi’i anelu at Blant a Phobl Ifanc, ond gall fod hefyd o ddiddordeb i weithwyr proffesiynol a rhieni.

 

Therapi Chwarae

Dyma fideo am Therapi Chwarae

 

 

Adnoddau 

    • Enw: Therapi Celf - Taflen Wybodaeth i Rieni a Gweithwyr Proffesiynol.png
    • Iaith: Cymraeg
    • Disgrifiad:
    • Fersiwn Saesneg: Os oes angen fersiwn Saesneg o'r ffeil yma, plis cysylltwch a ni.
    • Enw: Gwasanaeth Cwnsela Ffurflen Gyfeirio CYNRADD - PRIMARY Counselling Service Referral Form.docx
    • Iaith: Dwyieithog / Bilingual
    • Disgrifiad:
    • Enw: Gwasanaeth Cwnsela Ffurflen Gyfeirio Ebrill 2020 - Counselling Service Referral Form April 2020.doc
    • Iaith: Dwyieithog / Bilingual
    • Disgrifiad: Gwasnaeth Cwnsela Ysgolion Gwynedd a Môn Schools Counselling Service
    • Enw: Art Therapy - Information Leaflet for Parents and Professionals.png
    • Iaith: English
    • Disgrifiad:
    • Fersiwn Cymraeg: Os oes angen fersiwn Cymraeg o'r ffeil yma, plis cysylltwch a ni.
    • Enw: Coronavirus Anxiety Workbook 20 04 2020.pdf
    • Iaith: English
    • Disgrifiad: A Tool to Help You Build Resilience During Difficult Times. Published by The Wellness Society
    • Fersiwn Cymraeg: Os oes angen fersiwn Cymraeg o'r ffeil yma, plis cysylltwch a ni.